نستالجيا سابك

نستالجيا سابك و حرب فلافل

هذي تجربتي..

بوسط سحر مدينة رام الله و عالزاوية بأحد اهم شوارعها يقع محل سندويشات صغير كنا نروح عليه مع اصدقائنا و عائلاتنا معروف بمهنيته و جودته ، بعد فترة من الانقطاع قررت امر و آخذ من عنده سندويشات فلافل.

لما وصلت كان المحل ع وشك الاغلاق لكن صاحبه و بلطفه المعتاد استقبلني و حكالي انهم لسه فاتحين. 

و هو بعملي السندويشات دار بينا حديث قصير  و بعدها قال لي انه:

-احنا بدنا ننقل من هون ع رام الله التحتى.

وصفلي المكان بالضبط كان قريب ع مخبز مغوار فقلتله

-بس احنا كنا نيجي عندك هون من احنا ولاد صغار

نظر الي هو و شريكه و هز راسه كأنهم بعرفوا عن شو عم بحكي و حكولي انه صاحب المبنى بده يعمل اشي ثاني بالمحل و لذلك يجب عليهم انهم يخلوا الموقع.

دار جو من الحزن بالمحل تم كسره عن طريق اعطائي حبة الفلافل، اخذتها و اكلتها معي بالطريق، كانت مقرمشه لكنها ابرد من العاده. 

ممكن بعد حقبة سابك و تفرده بصدارة الفلافل بالبلد رح ندخل مرحلة جديدة يترأسها علامتين تجاريتين هما مسك التين و أبو عدي. 

هذول المحلين رح يكبروا بفلسفتين مختلفتين بخصوص الفلافل و رح يلتقوا بأهم تقاطع شوارع برام الله.

أبو عدي هو مكان مميز منتجه مرتب و اخضر من جوا. طبعا سعره اعلى شوي عشان بتردد عليه الطبقة الراقية. الاشي الما رح يحكولكم اياه انه ابوعدي هو انسان اخرس كان وضعه الاقتصادي تعيس، و اعاقته بتصعب عليه انه يحصل على فرصة عمل، فانت لما تاكل عند ابوعدي بتكون مش بس بتكون عم بتدلل بطنك، رح بتكون تعمل عمل و اجتماعي واعي و اله طبقات عميقة. بتذكر مره رحت عنده اجرب شاورما الحبش و كانت باحسن الاحوال مش حسب التوقعات، بس البسس حبتها، فاذا بدكم تزوروا ابو عدي احسن اشي تهتدوا عالفلافل.

مسك التين هو عبارة عن المكان الي يأتي له كل انواع الناس، لانه رخيص و سريع بغض النظر عن جودة المنتج، هو كبير و عنده فروع. لكن ما يلاحظ على المطعم أنه محل مصمم للبيع السريع و الكبير. حبة الفلافل عنده بيضاوية كبيرة بصحلك منها ثنتين بالساندويش. بس المشهد الكبير هو صاحب المحل و هو عم بحضر الوجبة، كأنك بتحضر فلم معمول عليه fast forward (مسرع) . انا بحالتي كان الفلم مدته ثواني معدودة لاني ما طلبت غير ساندويش واحد اكلته بالحديقة فاجئني ببهاراته المختلفة و القوية.

 

ممكن في محل ثالث الكل بحاول يتفاداه و يهمشة لأنه ما بدفع اجار، بس هذا المحل هو الملك و الملك لله. هذا المحل هو المخيم و الرفيق و الدرب. الي شدني لاله هو ريحته البتوصلك حتى وانت قاعد بتمشيله من ع راس الطلعة . بتميز بدوره الطويل البمتد ع طول الرصيف و السيارات الصافه ورى بعض تستنى طلبها. لما طلبت من عنده تمنيت لو اني عامل حالي زلمه محتاج لانه بكون معلق اعلان ع راس الكشك مش عن اسعاره او انواع السندويشة الوحدة البقدمها. الاعلان بقول اذا ما معك مصاري خذ الساندويش صدقة اما اذا انت مثل حالتي و معك، فقوم ادفع خمسة شيكل مثل البتدفعهم عند ابو عدي و بتنصرف بديش اشوف وجهك بالمرة بعديها . فبالمختصر احسنلك تشتري من عنده فلافل حب.

له ياعمي ملك الفلافل ليكون صدقت شو بحكي معك والله بمزح بس هيك عشان ننهي المقالة بروح عالية، بحب اشاركم بنوع الفلافل المفضل عندي. يا عمي انا بحب الابداع بالفلافل، يعني اعملي فلافل فول زي بمصر او فلافل كبير و محشي زي بالقدس.. او اقلك اعملي فلافل الاصفر هذا البغير لون اخراجك من عند ولاد عمنا .. هناك بعملوا انواع و نكهات ما بتخطر عالبال بعرفش اعملي اي نهفةو انا اكيد رح احب اجربها، بس ما اتضلك مرتاح برقود و تجمد غير مبرر.

ما تنسوا الفلافل

بضل اتذكر نوع هالفلافل المايل لونه للصفار و بنزل بكل الالوان و المقادير. هذا الفلافل الطعمه بميل لقرشة الدجاج المقلي و الي كان بيجي مع صور عائلات و مكابي كل الالوان. بتذكر انه رجل اجار داري وصفه بانه "مش زاكي"، و كان بواجه لربما الذ انواع الفلافل. فلافل شارع الميناء .

عالاغلب شارع الميناء هو الذ فلافل رح تاكله بحياتك و بعرفش ليش او اكم مره عم بضل احكي فلافل بس فلافل هذا الشارع مقرمش بنكهة الثوم و الذ المقبلات و الممكن تتخيلها. الاشي الغريب انك رح تاكلها بمقابل الجنود الاخذوا منك ارضك و ممكن اصحاب المحل ينصحوك انك احسن تاخذ من اماكن اعلى بالجبل احسن ما تشارك جندي وجبة وداعه.

 بشتاق لبنت طلعت معها هذيك الفترة.. انتهى

Saba's Nostalgia

Within the magic of the city of Ramallah, right around the corner of one of it's busiest shopping streets, is a sandwich shop "saba". We used to go there with our family and friends as little kids, teenagers and adults. Today, I've decided to pass by and grab some sandwiches like we used to as kids. The place w about to close however, the owner was welcoming as always and took my order with total kindness. We had a little chat before he told me that they were moving.
-the owner of the building decided to open a new store in this location, we are closing soon.
-But I used to come here since I was a little kid.
-the new store will be near "ghawwars bakery" a couple of blocks away you know where that is right?
-Yes I do
however sadness was in the air. The owner tried to lighten up the mood by giving me his famous eliptical falafel. I kindly took it, and thanked him.

As I was walking out I took a bite. It was crunchy as always however, a little bit colder than usual, I felt the nostalgia right away.