متخيل انك رح تفيق الصبح بكير ،تطلع مشي عالمكتب و تلاقي مديرتك بالشارع، رح تسلم عليها بنظراتك الجداد . معها صاحبتها و هي مهندسة قوية. رح تسلم عليها و يطلع انك مرقت عن المكتب و منظرك زي اللاحقهم عم بتزبط فيهم. بتورجيك موقع المكتب و زي الاهبل رح ترجع تمشي بالاتجاه المعاكس، لحالك.. رح توصل و تقعد ظهرك بالشمس انت لابس بلوزتك السوداء عشان تبين مهندس، تقعد جنب البنتين هذول، تسلم و تحكي معهم لحد ما تصير "كبابة" حسب مديرتك. تشتغل كل اليوم ع ملف ميت و تحاول تصلحه و تحيه. تصل استراحة الاكل و انت لا تملك اكل و لا مصاري، ستسآل زملائك عن مخططاتهم دون نتيجة، فتصرخ المديرة بوجهك "لازم تعرف شو بدك!" تخرج من المكتب و المخطط تبعهم ماشيا إلى البيت تحت أشعة الشمس لتصل باب المنزل و تكتشف بأنك نسيت مفاتيحك على طاولة المكتب، فتعود مشيا على الاقدام عابرا المكتب إلى ذلك المقهى اللعين. تطلب سلطة يقول الموظف بأنها عربية/فلسطينية و تقول لائحة الطعام بأنها اسرائيلية و تنتظر ما يقارب الربع الساعة دون شرب المياه المجانية المتوفرة في المدخل و تصلك تلك السلطة مثيرة الجدل و هي عبارة عن بضع قطع بن