تل النصبة بما انه موضوع البلد و البلديات هالايام هو الترميم و الحفاظ على الاماكن الاثريه او التاريخيه، بحب اشاركم بمكان صادفته (و عالاغلب كثير منكم بعرفوا عنه) اسمه تل النصبة، هو عباره عن مدينه كنعانيه سكنت بعدت فترات تتراوح بين العصر النحاسي 4500ق.م الى بدايات الخلافه الأموية.. الشيء الشدني لهذا المكان اكثر من اي اشي اخر هو اني صارلي فتره بحاول اجد مكان فيه هدوء و ظل بعيد عن غابة الباطون "المجمل" بالحجر البنسكنها حالياً. يمكن المقابر هي كانت اول الاماكن الوجدت انها بتوفر هذه الخصائص لكنها ليست المكان المثالي (تخيل حالك كل يوم الصبح بتنزل عالمقبره تريح بالك) فيعني بيوم بالصدفه وجدت هذا المكان البصراحة كان ملائم جدا .. للاسف الموقع مهمل و عم يتحول لمرمى نفايات زي ما رح تلاحظوا بالصور، علما انه الامكانيات لاستغلاله (ان كان حفاظ او ترميم، او حتى عمل شيء جديد شريطة أن يكون مختلف و فعال) هي عالية جداً لكن للاسف الواقع مختلف.. يا ريت لو الجهات المختصة تطرق للموضوغ لانه هذا المكان بشكل جزء مهم من هويتنا التاريخية و الثقافية و ذاكرة المدينه. شو ممكن تعمل بمكان