من_حيفا_إلى_نابلس [From_Haifa_to_Nablus]

من حيفا إلى نابلس [From_Haifa_to_Nablus]

اليوم في عندي مناسبة، كتب كتاب اخوي. صحيت بكير لبست و حملت حالي و ذهبت إلى البنك لافتح حساب. للاسف ما نجحت لاني لا أملك وثيقه "التلوش" و هي عليها بكون مكتوب اني بعمل و رح ينزلي معاش، من هناك ذهبت إلى محطة القطار و اخذت قطار العفولة، الطريق كانت جميلة لكن الwifi مش شغال، بعد واحد و أربعين دقيقه وصل القطار، فخرجت و اخذت باص 52 الذي يوصل إلى حاجز الجلمه قرب جنين. طبعا هذي الخيارات مبنية على راي أخذته عن طريق چووچل، فالمهم رح أوصل محسوم الجلمه و اعبره كأني سياره، بيجي جندي، بوقفني و بقلي شو بتساوي بورجيه هويتي و بقله بدي أعبر، بجاوبني هو بدوره انه من هنا فقط للسيارات احسنلك ترجع لورى و تطلب من أحد الأشخاص القادمين بسيراتهم ياخذك معه.. بطاوعه لمدة عشر دقائق لكن لم يقف اي شخص لاخذي معه و لذلك يقرر عقلي الذهاب الى بلدة المقيبله و من هناك أخذ سيارة إلى جنين. في الطريق أشاهد أشخاص يمشون على أقدامهم من الاتجاه الاخر فاغير وجهتي اليهم و اعثر على ممر المشاه. طبعا هناك بأخذ صورة

 و لما ادخل رح اجد امراة عجوز (حجة رسمي) واقفه تعانق ابنها من التعب و عدم قدرتها على المشي. الشئ الوحيد القدرت أفعله هو إني اقربلهم كرسي العجلات لبين ما تنتهي الجندية من التأكد من وثائقهم. انا ما حد رح يحكي معي رح اضل ماشي و باخذ سرفيس الى مدينة جنين، من هناك يحاول إقناعي شوفرية التكاسي باخذ طلب الى نابلس ب 110 بدل 120 لكني لم اوافق و امشي بضعة دقائق و اصل محطة الباصات. و من هناك رح أخذ فورد ب 16 شيكل كاش. الطريق لم تكن طويلة اظن انها أخذتنا اقل من ساعة كانت مليئة بالطبيعة و لما وصلت كانت الساعه 2 يعني الطريق اخذت 3 ساعات و نص، لما وصلت نابلس بديت امشي في شوارعها التي للاسف عم تفقد نكهتها الشامية لتتحول إلى غابة بطون و زفته. قرب مبنى البلدية وجدت درج جميل و ملون و قررت اصعده و بصراحه كان خيار موفق لأنه وصلني على درج ثاني بكشف كل المدينه المنظر جميل و اظن انه انا عجبل عيبال و امامي جبل جرزيم الذي اعلاه ستلمح صورة لمبنى فيلا بلاديو الي هو مبنى بيت فلسطين او بيت اغنى رجل فلسطيني، في بالواد الملعب (بدون تعليق) و مبنى البنك الضخم غير عن هيك معظم المباني بتشبه بعض بس اظن انها، الادراج الي بتعزلك عن كل هذه الفوضى و تعطيك مساحه من الهدوء الك اشي يشبه الشعور البحسه لما اقعد أمام بحر حيفا.

بنزل عن الدرج و أبدأ بالتنزه في شوارع نابلس لانه معي الكثير من الوقت لأقتله فاجد ارما مكتوب عليها المقبرة الرومانية الغربية، و هو مكان اثري  ولكن للاسف ممكن نوصفه بطريقه ادق اذا بنبدل كلمة مقبره مزبله "رومانية غربية"، المكان مهمل و محاصر و يبدو انه في محاوله لحذفه من الذاكره، و بصراحه لم يكن المكان الوحيد فكثير من الاماكن الاثرية بنابلس مهمله و غير فعاله، في المنطقة و انا هون رح اوقف و اخلي الصور تحكيلكم شو شفت ...

و بالنهاية بحب اشكر شركة فوتو جت عالكولاج و تنسوش مدينتكم لانها كنز و أمانه برقبتكم.

مع حبي

احمد.